前幾日去買早餐，我想要「餐蛋麵」，結果同老闆講：「唔該，要個餐蛋麵。」老闆愣一愣，問我：「你說要什麼？三蛋麵嗎？」我仲以為佢聽錯，重複講多次，結果佢直接回：「我們這邊沒有一次三顆蛋的麵啦！」我忍唔住笑咗出嚟，最後解釋咗半日，先知台灣係叫「火腿蛋麵」，完全唔同叫法。

有時都覺得幾搞笑，明明大家都係講中文，但一個「餐」同「三」就差天共地。台灣人聽我口音覺得新奇，我聽佢哋用字又覺得有趣，結果互相笑住度過，都幾好玩。